मोरङमा लागुऔषध कारोबारीको घरमा छापा हान्न जाँदा प्रहरीमाथिनै आक्रमण

alt
  • श्रावण १६, २०७७
  • अपराध न्यूज

लागूऔषध भण्डार गरेर कारोबार भइरहेको अबस्थामा प्रहरीले कारोबारीलाई नियन्त्रणमा लिने क्रममा मोरङको बूढीगंगा गाउँपालिका–१ खोरैयामा प्रहरीमाथिनै आक्रमण भएको छ ।

जिल्ला प्रहरी कार्यालय मोरङको टोलीमाथि बिहीबार राति गाउँलेले घेरा हालेर आक्रमण गर्दा तीन प्रहरी घाइते घाइते भएका छन् । घाइते हुने प्रहरीहरुमा प्रहरी जवान ज्ञानबहादुर बस्नेत, जीवन काफ्ले र श्रवण चौधरी छन् ।

घाइतेको विराट टिचिङ अस्पतालमा उपचार भइरहेको छ । बस्नेतको टाउकोमा सातवटा टाँका लगाइएको छ । अरु घाइतेको शरीरका विभिन्न भागमा चोट लागेको छ ।

आक्रमण गर्दै प्रहरीसँग भएको हतियार खोस्ने प्रयास गरेपछि टोलीले स्थितिलाई नियन्त्रणमा लिन पेस्तोलबाट दुई राउण्ड हवाई फायर समेत गरेको मोरङका एसपी सन्तोष खड्काले बताए । ‘प्रहरीको हतियार खोस्न खोजेपछि हवाई फायर भएको हो ।’ उनले भने ‘‘तत्काल हवाई फायर नगरेको भए आक्रमणबाट थप क्षति बेहोर्नु पर्ने अवस्था आउने थियो ।’

ठूलो संख्यामा परिचालित प्रहरी टोलीले घटनामा संलग्न पाँच जनालाई नियन्त्रणमा लिएको छ । आक्रमण भएपछि प्रहरीले स्थानीय स्तरमा स्टोर गरेर राखेको भनिएको लागुऔषध भने बरामद गर्न सकेन । प्रहरीले लागुऔषधको अवैध कारोबार गर्नेहरुको पहिचान गरेर खोजी थालिएको जनाएको छ ।

प्रहरी निरीक्षक मिलन थापाको नेत्रृत्वमा सादा पोसाकको टोली सो स्थानमा पुगेको थियो । गाँउलेहरुले शुरुमा सादा पोसाकका प्रहरीमाथि आक्रमण गरेका थिए । पछि थप मद्धतका लागि गएको हतियारसहितको टोली टोलीमाथि पनि आक्रमण भएको एसपी खड्काले जानकारी दिए ।

गाँउलेहरुले प्रहरीमाथि लाठी, भाला र खुकरी लिएर आक्रमणमा उत्रिएका थिए ।

 

सम्बन्धित समाचारहरु

भोजपुरमा वडाध्यक्षद् ...

साल्पासिलिछो गाउँपालिका-१ कुलुङका वडाध्यक्ष गणेश बुढाथोकीले स्थानीय एक वृद्धमाथि निर्घात कुटपिट गरेक ...

कोरोनाको जोखिम न्यून ...

लकडाउन खुलेसंगै झापाको बिर्तामोडमा कोरोना भाइरसको जोखिम न्यूनीकरण गर्न इलाका प्रहरी कार्यालय अनारमनी ...

ग्यास भण्डारमा आगो ल ...

करिब दुई वर्ष अघि इटहरी ६ स्थित सञ्जय चौधरीले सञ्चालन गर्ने सञ्जय ग्यास सप्लायर्स एन्ड भाडा पसलमा एउ ...

सामाजिक संजाल

रिफ्रेस मिडिया नेटवर्क प्रा.लि बाट संञ्चालित | दर्ता नं.: २१६३३६/७५/०७६ | अस्थाई लेखा नम्बर: ६०९५४६९५२ | सम्पर्क: ९८६२०१३०१६

Copyright © 2019 / 2020 - Aparadh News All rights reserved