श्रीमतीकै योजनामा औषधी व्यवसायी दुलालको हत्या

alt
  • जेठ ५, २०७७
  • अपराध न्यूज

विराटनगरका औषधी व्यवसायी देवी प्रसाद दुलालको आफ्नै श्रीमतीको योजनाबाट हत्या भएको प्रहरी निष्कर्षमा पुगेको छ ।इटहरी १२ ठेगाना भएका ३३ वर्षीय दुलाल आइतबार बिहान शङ्कास्पद अवस्थामा उनकै डेराबाट मृत भेटिएका थिए ।

मोरङ प्रहरीका अनुसार उनको हत्यामा श्रीमती र अर्को एक व्यक्ति पनि संलग्न भएको दाबी गरिएको छ । दुलालले सञ्चालन गरेको देवी माँ पाथीभरा फर्मामा तीन महिना अघि काम गर्ने ब्रह्मदेव साह  र उनको श्रीमती मिना श्रेष्ठ दुलालको पूर्व योजना अनुसार शनिवार राती डोरीले घाँटी थिचेर हत्या गरेका हुन् ।

'मिनाले यादवलाई घरमा बोलाएर हत्या गरेको देखियो' प्रहरी स्रोतले भन्यो 'घटनामा प्रयोग भएको डोरी बरामद भइसकेको अवस्था छ र साह पनि पक्राउ परिसकेका छन्'।

शनिबार राति औषधि व्यवसायीहरु धनबहादुर काफ्ले, हरिमोहन श्रेष्ठ र मृकत दुलालसहित दुलालकै डेरामा बसेर मदिरा सेवन गरेको खुलेको छ। काफ्ले र श्रेष्ठ राति ९ बजे दुलालको डेराबाट बाहिरिएका थिए।

त्यसका आधारमा प्रहरीले काफ्ले र श्रेष्ठ तथा दुलालकी श्रीमती मीनासँग सोधपुछ गर्दै घटनाको अनुसन्धान अघि बढाइएको थियो । तर घटनामा काफ्ले र श्रेष्ठको भने संलग्नता पाइएन । 

प्रहरीका अनुसार मीना र ब्रह्मदेवबीच एक वर्षदेखि प्रेम सम्बन्ध रहेको खुलेको छ ।

दुई जना त्यहाँबाट निस्किएपछि प्रेमीसँग मिलेर श्रीमतीले राति ११ बजे दुलालको हत्या गरेको अनुसन्धानबाट खुलेको छ । प्रहरी नियन्त्रणमा रहेकी मीनाले सुरुमा भने श्रीमानलाई उच्च रक्तचापको समस्या रहेको र त्यही कारणले मृत्यु भएको हुनसक्ने भन्दै ढाँट्ने प्रयास गरेको प्रहरी स्रोतको भनाइ छ ।

Sasakrसाह चार वर्षदेखि दुलालकै औषधि डिलरमा काम गर्थे। त्यही क्रममा मीनासँग उनको हिमचिम बढेको चाल पाएर श्रीमान देवीप्रसादले ब्रह्मदेवलाई पाँच महिनाअघि कामबाट निकालिदिएको खुलेको प्रहरीका एक अधिकारीले बताए ।

प्रहरीका अनुसार उनलाई कामबाट निकालेको विषयमा मीनाले श्रीमानसँग विवाद समेत गरेकी थिइन् । 

प्रहरीका अनुसार प्रेममा बाधक बनेको भन्दै मीनाले शुक्रबार प्रेमीसँग सल्लाह गरेर हत्याको योजना बनाएको प्रारम्भिक अनुसन्धानबाट खुलेको छ । हत्यापछि बिरामी भएको देखाउन अस्पताल लगेर घटनालाई स्वभाविक मृत्यु भन्ने बनाउन खोजेको पाइएको प्रहरीको भनाइ छ । 

हत्यामा संलग्न दुवैविरुद्ध कर्तव्य ज्यान मुद्दा चलाउन अनुसन्धान सुरु गरिएको प्रहरीले जनाएको छ । दुलाल र मीनाबीच १० वर्ष पहिले प्रेम विवाह भएको थियो । उनीहरुका ८ वर्षका छोरा छन् । घटनाको विषयमा जिल्ला प्रहरी कार्यालय मोरङले पत्रकार सम्मेलन गरी दुवैलाई सार्वजनिक गर्ने तयारीमा छ ।

यस अघि : 

औषधी व्यवसायी दुलालको हत्या भएको निष्कर्ष, श्रीमती शङ्कामा

विराटनगरमा इटहरीका औषधी व्यवसायी दुलालको शङ्कास्पद मृत्यु

 
 

 

सम्बन्धित समाचारहरु

माता उतार्ने भन्दै ब ...

उदयपुरको त्रियुगा नगरपालिका–१० बोक्सेका पानीट्याङकी निवासी एक वन झाँक्री बलात्कार आरोपमा ...

मोरङ प्रहरीले शङ्कास ...

मोरङ प्रहरीले विगतमा चाडपर्वका बेला भएका अपराधिक गतिविधी र यस वर्ष हुन सक्ने सम्भावित घटनाको विश्लेष ...

छोरीलाई गोली हान्ने ...

ओखलढुंगामा आफ्नै छोरीलाई गोली हान्ने एक पुरुष कारागार चलान भएका छन् । भरुवा बन्दुक प्रहार गरेर ...

सामाजिक संजाल

रिफ्रेस मिडिया नेटवर्क प्रा.लि बाट संञ्चालित | दर्ता नं.: २१६३३६/७५/०७६ | अस्थाई लेखा नम्बर: ६०९५४६९५२ | सम्पर्क: ९८६२०१३०१६

Copyright © 2019 / 2020 - Aparadh News All rights reserved