आमाबुवाको बीभत्स हत्यापछि प्रहरीको १०० नम्बरमा छोराको कल !

alt
  • बैशाख २६, २०७७
  • अपराध न्यूज

बिहीबार साँझ ६.३० मा जिल्ला प्रहरी कार्यालय तेह्रथुमको हटलाइन नम्बर १०० मा कल आउँछ ।

प्रहरी कार्यालय हो ?

युवक : ‘मैले मेरो बुवा र आमालाई बन्चरोले हानेर मारे ! मलाई खोज्नु पर्दैन म प्रहरी कार्यालय आफै आउँदै छु’ ।

१०० नम्बरमा आफ्नै बुवा आमालाई मारे भनेर कल आएपछि ‘कन्ट्रोल रुम’ मा बस्ने प्रहरी चकित परे । लगतै जिल्ला प्रहरी कार्यालय तेह्रथुमका डिएसपी नवीन किशोर प्रधानलाई फोनको विषयमा जाहेर गरियो ।

डिएसपी प्रधानले अनुसन्धान अधिकृत प्रहरी निरीक्षक तेजबहादुर दाहाललाई कलको भेरिफाई गर्न निर्देशन दिए ।

फोन गर्ने व्यक्तिले घटनास्थलको ठेगाना समेत दिएका कारण प्रहरीलाई घटनाको वास्तविकता बुझ्न बढी समय लागेन । फोन आएको करिब ३० मिनेटमा प्रहरी चौकी सम्दुको प्रहरी टोली घटनास्थल पुग्छ ।

प्रहरीको टोलीले तेह्रथुम फेदाप गाउँपालिका–५ इसिबु ठेगाना रहेका रूपबहादुर लिम्बुको घरमा रूपबहादुर र उनकी श्रीमती रुपेनीको घर भित्र बीभत्स शव भेटाउँछ।  रगतले लतपतिएका दुवैको शव नजिक लिम्बु परिवारका ६ महिने बालिका रोइरहेकी थिइन् ।

फोनमा भने अनुसार दुवैको टाउको, पेट र गर्दनमा धारिलो हतियार प्रहार भएको थियो । घटनामा प्रयोग भएको बन्चरो घर नजिकको बारीमा प्रहरीले भेटाउँछ ।

यता प्रहरीले घटनास्थलमा ‘सिल’ गरेपछि फोन गर्ने व्यक्तिको खोजतलासमा प्रहरी जुट्छ । १०० मा कल गरेर प्रहरी कार्यालय आफै आउने भनेका व्यक्ति हत्या भएकै लिम्बु परिवारका छोरा भएको प्रहरीले पुष्टि गर्छ ।

नभन्दै घटनास्थलदेखि करिब डेढ किलोमिटर टाढा मृतकका १८ वर्षीय छोरा कञ्चन लिम्बु बाटोबाटै प्रहरी नियन्त्रणमा आउँछन् ।

Body ती युवकले प्रहरी देख्न साथ ‘फोन गरेर आमाबुवाको हत्या गर्ने मै हुँ हजुर’ भन्दै आत्मसमर्पण गर्छन् ।

यसरी १०० मा कल गर्ने ती युवक घटना घटेको डेढ घण्टा भित्रै प्रहरी नियन्त्रणमा आउँछन् । प्रहरीका अनुसार ती युवक रातारात हिँडेरै जिल्ला प्रहरी कार्यालय तेह्रथुम आउने तरखरमा थिए ।

पारिवारिक कलह करण

आमाबुवाको हत्या गर्ने कञ्चन, लिम्बु परिवारको पहिलो पट्टिका सन्तान हुन् । आफ्नै आमा अर्कोसँग विवाह गरेपछि रूपबहादुरले दोस्रो श्रीमतीका रूपमा रुपेनीलाई  दुईवर्ष अघि मात्र घर भित्राएका थिए ।

रुपेनी तर्फको ६ महिनाकी छोरी छिन् । फेदाप गाउँपालिका ५ का वडाध्यक्ष टेक बहादुर तामाङका अनुसार लिम्बु परिवारमा सौतेनी आमा भित्रिएपछि कञ्चन र आमाबुवा बिच धेरै पटक विवाद हुने गरेको बताउँछन् ।

गाउँ छिमेकले पनि धेरै पटक उनीहरूको विवाद मिलाएको अपराध न्युजसँग उनले बताए ।

‘७ कक्षा पढेर कञ्चन गाउँ घरमा ज्याला मजदुरी काम गर्थे, घरमा उनलाई सौतेनी आमाले राम्रो व्यवहार नगरेको भनेर साथी भाइलाई सुनाउँथ्यो’ तामाङ भन्छन् ‘सायद त्यही कारण हत्या भएको हुन सक्छ’ ।

हत्यापछि ६ महिनाकी छोरीलाई आफन्तको जिम्मा लगाएको वडाध्यक्ष तामाङले टेलिफोनमा जानकारी दिए ।

Ghar यता जिप्रका तेह्रथुमका अनुसन्धान अधिकृत प्रहरी निरीक्षक तेजबहादुर दाहालले पनि पारिवारिक कलहको कारण हत्या भएको बताए ।

प्रहरीको बयानमा पनि युवकले घरमा आमा बुवासँग धेरै पटक झैँ झगडा हुने गरेको बताएका छन् ।  हत्या गरिएका दुवै जनाको शव पोस्टमार्टम गरी शुक्रवार दाहसंस्कार गरिएको छ ।

 

सम्बन्धित समाचारहरु

आजदेखि सेना परिचालन ...

विदेशमा रहेका नेपालीलाई स्वदेश ल्याउन सहजीकरण गर्नेसम्बन्धी कार्ययोजना अन्तर्गत बुधबारदेखि सेना परिच ...

अपहरण भएको ३२ वर्षपछ ...

एक चिनियाँ दम्पतीले सन् १९८८ मा एउटा होटेलबाट अपहरणमा परेका आफ्ना छोरासँग ३२ वर्षपछि पुनर्मिलन गर्न ...

ताप्लेजुङका दुई अधिक ...

डिभिजन वन कार्यालय ताप्लेजुङका दुई सहायक वन अधिकृत मंगलबार बेलुका पक्राउ परेका छन् । अख्तियार द ...

सामाजिक संजाल

रिफ्रेस मिडिया नेटवर्क प्रा.लि बाट संञ्चालित | दर्ता नं.: २१६३३६/७५/०७६ | अस्थाई लेखा नम्बर: ६०९५४६९५२ | सम्पर्क: ९८६२०१३०१६

Copyright © 2019 / 2020 - Aparadh News All rights reserved