ओली सहित ६ जनालाई जेल चलान

alt
  • बैशाख ११, २०७६
  • अपराध न्यूज

सरकारले प्रतिबन्ध लगाएको नेपाल कम्युनिस्ट पार्टीका मध्यक्षेत्र इन्चार्ज रहेका हेमन्तप्रकाश ओलीसहित ६ नेता जेल चलान भएका छन् । ललितपुरको नख्खुमा दुई महिनाअघि भएको बम विष्फोटमा संलग्न भएको आरोपमा पक्राउ परेका उनीहरूलाई जिल्ला अदालत ललितपुरले मंगलबार पुर्पक्षका लागि जेल चलानको आदेश दिएको हो ।

ओलीसहित शिव धमला भनिने शिव धिमाल, दयाङ भन्ने दिकेन्द्र राई, रामकृष्ण खतिवडा, ईश्वर परियार र विराट भन्ने वीरबहादुर कठायत जेल चलान भएको ललितपुर प्रहरीले जनाएको छ ।  उनीहरूविरुद्ध कर्तव्य ज्यान, राज्यविरुद्धको अपराध, ज्यान मार्ने उद्योग र संगठित अपराध गरी चारवटा मुद्दा चलेको थियो । जसमा उनीहरूविरुद्ध जन्मकैदको माग गरी महानगरीय प्रहरी परिसर काठमाडौंले मुद्दा चलाएको थियो । 

गत १० फागुनमा सो समूहले नख्खुमा एनसेलको कार्यालयलाई लक्षित गरी गराएको विष्फोटमा सिंहप्रताप गुरुङको मृत्यु भएको थियो । अन्य दुईजना घाइते भएका थिए । नेता ओलीले अन्तर्वार्ता नै दिएर सो घटनामा आफूहरूको संलग्नता रहेको स्विकारेका थिए । घटनाको एक महिनापछि काभ्रेबाट प्रहरीले उनलाई पक्राउ गरेको थियो । 

सम्बन्धित समाचारहरु

भोजपुरमा वडाध्यक्षद् ...

साल्पासिलिछो गाउँपालिका-१ कुलुङका वडाध्यक्ष गणेश बुढाथोकीले स्थानीय एक वृद्धमाथि निर्घात कुटपिट गरेक ...

मोरङमा लागुऔषध कारोब ...

लागूऔषध भण्डार गरेर कारोबार भइरहेको अबस्थामा प्रहरीले कारोबारीलाई नियन्त्रणमा लिने क्रममा मोरङको बूढ ...

कोरोनाको जोखिम न्यून ...

लकडाउन खुलेसंगै झापाको बिर्तामोडमा कोरोना भाइरसको जोखिम न्यूनीकरण गर्न इलाका प्रहरी कार्यालय अनारमनी ...

सामाजिक संजाल

रिफ्रेस मिडिया नेटवर्क प्रा.लि बाट संञ्चालित | दर्ता नं.: २१६३३६/७५/०७६ | अस्थाई लेखा नम्बर: ६०९५४६९५२ | सम्पर्क: ९८६२०१३०१६

Copyright © 2019 / 2020 - Aparadh News All rights reserved