‘प्रहरी हौं’ भन्दै तीन युवकले गरे १६ वर्षीया किशोरीको अपहरण

alt
  • भदौ २५, २०७६
  • अपराध न्यूज

एकजना किशोरीको अपहरण आरोपमा तीनजनालाई जिल्ला प्रहरी कार्यालय कैलालीले पक्राउ गरेको छ ।

धनगढी उपमहानगरपालिका–१६ का २१ वर्षीय अनिल राना, २२ वर्षीय सन्दीप राना र २९ वर्षीय लोकेन्द्र खडायतलाई प्रहरीले पक्राउ गरेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक दक्ष बस्नेतले बताए ।

तीनैजनाले गएको शनिबार धनगढीकी १६ वर्षीया एक किशोरीलाई आफूहरू प्रहरी भएको बताउँदै अपहरण गरेको प्रहरी उपरीक्षक बस्नेतले जानकारी दिए ।

यही भदौ २१ गते (शनिबार) मध्यराति १२ बजेतिर धनगढी–८, जाखोर तालनजिककी ती किशोरीलाई उनीहरुले आफूहरु प्रहरी भएको भन्दै लगेका थिए । एउटा घटनाको अनुसन्धानका लागि जिल्ला प्रहरी कार्यालय कैलाली लैजानुपर्ने भन्दै तीनैजनाले किशोरीलाई अपहरण गरेका थिए ।

२२ गते राति प्रहरीले उनीहरुलाई धनगढी–१६ बाट पक्राउ गरी किशोरीको उद्धार गरेको थियो । किशोरीको स्वास्थ्य परीक्षण गरी आफन्तलाई बुझाइएको प्रहरीले मंगलबार जनाएको छ । पक्राउ परेका तीनजनाविरुद्ध अपहरण, शरीर बन्धक र जबर्जस्ती करणीमा मुद्दा दर्ता गरिएको प्रहरी नायब उपरीक्षक बस्नेतले बताए ।

सम्बन्धित समाचारहरु

प्रहरी हेडक्वाटरद्धा ...

प्रहरी प्रधान कार्यालयले संखुवासभा जिल्लाको मादी हत्या प्रकरणमा सफल अनुसन्धान गर्ने प्रहरी अधिकारीहर ...

सङ्खुवासभाको सामूहिक ...

सङ्खुवासभाको सामूहिक हत्या प्रकरणमा संलग्न भएको आरोपमा एक पुरुषलाई पक्राउ गरिएको छ । सङ्खुवासभाको मा ...

सङ्खुवासभा सामूहिक ह ...

मनोज भुजेल- सङ्खुवासभाको सामूहिक हत्या प्रकरणमा परिचित व्यक्तिनै संलग्न हुन सक्ने आधारबाट प्रहरीले अ ...

सामाजिक संजाल

रिफ्रेस मिडिया नेटवर्क प्रा.लि बाट संञ्चालित | दर्ता नं.: २१६३३६/७५/०७६ | अस्थाई लेखा नम्बर: ६०९५४६९५२ | सम्पर्क: ९८६२०१३०१६

Copyright © 2019 / 2021 - Aparadh News All rights reserved