एनसेल कार्यालय बम विस्फोटका मुख्य योजनाकार पक्राउ

गत फागुन १० गते साँझ एनसेल कार्यालय ललितपुर नख्खुमा बम विस्फोटमा संलग्न नेत्रविक्रम चन्द समूहका कार्यकर्ता पक्राउ परेका छन् । घटनाको मुख्य योजनाकार भनिएका फरार ३३ वर्षीय दोर्जे भन्ने दोर्ची शेर्पालाई बिहीबार महानगरीय अपराध महाशाखाको टोलीले काठमाडौं गोगंबुबाट पक्राउ गरेको हो ।

सोही घटनामा संलग्न चन्द समूहका ७ कार्यकर्तालाई यसअघि नै प्रहरीले पक्राउ गरिसकेको थियो । बिहीबार पक्राउ परेका शेर्पा भोजपुर षडानन्द नगरपालिका ९ का स्थायी बासिन्दा हुन् । उनी नेकपा चन्द समूहको युवा संगठन सदस्य हुन् ।