ह्यामरले हानेर बाबुले गरे छोराको हत्या

दोलखा जिल्लाको शैलुङगेश्वर गाउँमा बाबुले छोराको हत्या गरेका छन्। शैलुङ गाउँपालिका ४ बस्ने २२ बर्से वेदबहादुर केसीलाई उनकै बाबु चुडाबहादुरले हत्या गरेको जिल्ला प्रहरी कार्यालय दोलखाले जनाएको छ।

मृतक केसी जन्मजातै कान नसुन्ने बिरामी थिए। प्रहरीका अनुसार वैशाख २ गतेदेखि हराइरहेका केसी बुधबार गाउँ नजिकैको खहरे खोलामा मृत भेटिएका हुन्।

जिल्ला प्रहरीका इन्सपेक्टर रेसम बोहोराका अनुसार मृतक वेदबहादुर बिरामी रहेको र जताततै दिसा पिसाब गरेर फोहोर गर्दै हिँड्ने साथै २ गतेको उक्त दिन समेत घरमा फोहोर गरेपछि आवेशमा आएका बाबु चुडाबहादुरले ह्यामरले हानेर छोराको हत्या गरेका थिए।

टाउकोमा ह्यामरको चोट लगतै सख्त घाइते भएका केसीको घटनास्थलमै मृत्यु भएको र उनको शव ब्ल्यांकेटमा पोको पारी नजिकको खहरे खोलामा लगेर फालिएको बयान प्रहरीसामु बाबु चुडाबहादुरले दिएका छन्।