सुटरलाई शरण दिइएको आरोपमा भारतीय प्रहरीद्वारा नेपालबाट एक जना पक्राउ

भारत उत्तर प्रदेशको प्रयागराज शहरमा फ्रेब्ररी २४ तारिकमा उमेश पाल र उनका प्रहरी बडीगार्डको हत्यामा संलग्नहरूको खोजीमा नेपाल आएको उत्तर प्रदेश प्रहरीले नेपालमा एक जनालाई पक्राउ गरेको छ । उत्तर प्रदेश प्रहरीको एसटीएफ अर्थात् स्पेसल टाक्स फोर्सको टिमले कपिलवस्तुबाट कंयुम अन्सारी नाम गरेका व्यक्तिलाई पक्राउ गरेर भारत लगेको छ ।

ती व्यक्तिलाई बिहीबार पक्राउ गरिएको भारतीय सञ्चार माध्यमले दाबी गरेका छन् । पक्राउ परेका व्यक्तिले उमेश पाल हत्याकाण्डमा संलग्न सुटरहरुलाई केही दिन आफ्नो घरमा शरण दिइएको बताइएको छ । सोही आधारमा उनलाई पक्राउ गरिएको हो । अन्सारीलाई अज्ञात व्यक्तिहरूले अपहरण गरेको भनेर उनका आफन्तले प्रहरीमा निवेदन दिइएपछि प्रहरीले उक्त व्यक्तिलाई भारतीय प्रहरीले पक्राउ गरेर भारततर्फ लगेको भारतीय सञ्चारमाध्यमले बताएका छन् ।

यद्धपी अन्सारी नाम गरेका व्यक्ति पक्राउ गरेको विषयमा जिल्ला प्रहरी कार्यालय कपिलवस्तुले केही बोल्न चाहेन ।

सम्बन्धित समाचार : 

सुटर खोज्न भारत यूपी प्रहरीको एसटीएफ नेपालमा !

भिडियो