सुनसरीको हरिपुरमा युवकको शव फेला, हत्याको आशंका

सुनसरीको कोशी गाउँपालिका ७ हरिपुरमा एक युवकको शव भेटिएको छ । हरिपुरको नहर नजिकै पानीमा सोमबार साँझ शङ्कास्पद अवस्थामा शव भेटिएको हो ।

शवको पहिचान हुन सकेको छैन । अन्दाजी २२-२५ उमेर समूहको युवाको शव सनाखत गर्ने काम भइरहेको जिल्ला प्रहरी कार्यालय सुनसरीका प्रहरी उपरीक्षक सञ्जयसिंह थापाले अपराध न्युजलाई जानकारी दिए ।

हातमा विरोध खोपिएको टाटु रहेको प्रहरीले जनाएको छ । प्रत्यक्षदर्शीका अनुसार युवकको टाउकोमा चोट रहेको कारण हत्या गरेर फालेको हुन सक्ने आशंका गरेका छन् । युवकको शवको फोटो सार्वजनिक गरेका छौ, पहिचान खुल्न साथ बाँकी अनुसन्धान शुरु हुने थापाले जानकारी दिए ।