इटहरीमा भेटिएको बेवारिसे झोला सेनाद्वारा डिस्पोज 

इटहरी २ हलगडामा बेवारिसे झोला भेटिएपछि बम भएको आशङ्कामा नेपाली सेनाको बम डिस्पोजल टोलीले उक्त झोला डिस्पोज गराएको छ । डिस्पोज गराउँदा झोलामा कुनै विस्फोटक पदार्थ भेटिएन । प्लाष्टिकको झोला भित्र कपडाले बेरेको सखरको ठल्ला रहेको इलाका प्रहरी कार्यालय इटहरीले जनाएको छ । 

१२.३० मा स्थानीयले रातीदेखि उक्त झोला सडक किनारमा रहेको जानकारी गराएपछि इलाका प्रहरी कार्यालय इटहरीले इटहरीस्थित नेपाली सेनाको कृष्णदल गणलाई झोलाको बिषयमा जानकारी गराएको थियो ।

‘स्थानियहरु एक साता अघि सोही ठाउँदेखि नजिकै बम बिस्फोट भएको घटनाले त्रसित बनेका हुन’  डीएसपी खड्काले भने, ‘झोला भित्र सखर र केही कपडा भेटियो ।’ ‘डिस्पोज गराउने क्रममा डेटोनेटरको आवाज आएको हो, कुनै बिस्फोट पदार्थ हैन ।’ गत १४ गते इटहरी २ नवजागृति टोलमा बम बिस्फोट हुँदा दुईजना हिमाल सुरक्षा परिषदका कार्यकर्ता घाइते भएका थिए ।