हेण्ड ग्रिनेटसहित २ जना ताप्लेजुङबाट पक्राउ

ताप्लेजुङको फुङलिङ नगरपालिका ३ मा हेण्ड ग्रिनेटसहित २ जना पक्राउ परेका छन् । पक्राउ पर्नेमा फुङलिङ ३ का चन्द्र मादेन र मिक्वाखोला गाउँपालिका ४ सावाँका सञ्जय लिम्बु छन् । फेला परेको ग्रिनेट सुरक्षित विस्फोट गराउन नेपाली सेनाको भिमकाली गुल्मले जिम्मा लिएको प्रहरी प्रवक्ता कैलाशकुमार अधिकारीले जानकारी दिए । उनका अनुसार पदमलाल भारतीको घरमा ग्रिनेट राखेको सूचना पाएपछि प्रहरी टोली तत्काल घटनास्थल पुगेको थियो । 

पक्राउ परेका व्यक्ति र ग्रिनेटबारे अनुसन्धान सुरु भएको अधिकारीले बताए ।